Puisi Gila, Sarwo Darmono : Edan

EDAN

Melu edan
Edan dewekan
Kepingin dadi juragan
Melu edan
Edan mbelani juragan
Sing dibelai edan pisan
Melu edan ben keduman
Keduman jabatan
Keduman panganan
Keduman pakormatan
Keduman kesenengan

Supaya keturutan
Ngoceh sak papan papan
Ngoceh sak dhalan dhalan
Ngoceh neng koran koran
Ora lali njaluk bantuan para setan
Ocehane ora karuan
Ora perduli gawe gelane liyan
Ora perduli ragat duwit jutaan
Ora perduli direwangi gelutan
Sing penting melu edan


Karepe Kabeh keturutan
Kasunyatan dadi juragan
Dadi juragan tambah edan
Digawe kesempatan
Mumpung duwe kekuasaan
Ora wedhi Karo siksaan
Rumangsane nek edan
Ora ana hukuman
Dasar pancen edan
Ya... Tetep ae edan

Kanggo sing maca tulisan Iki
Aja katut edan
Sing penting sehat badan lan iso mangan
Sanajan Sega sak kepalan
Tansah antuk barokahe Tuhan
Slamet donya lan Akherat Kersane kang Maha Wikan           

Lumajang ,Rebo Pon 08012020
Pangripta Sarwo Darmono,